ភ្នំពេញ៖ នាយករដ្ឋមន្ត្រីកម្ពុជាសម្ដេចធិបតី ហ៊ុន ម៉ាណែត បានបញ្ជាទៅរដ្ឋមន្ត្រីក្រសួងការពារជាតិ និងរដ្ឋមន្ត្រីក្រសួងការបរទេសក្នុងការត្រៀមលក្ខណៈដើម្បីដកទ័ពមួកខៀវចេញពីប្រទេសលីបង់ ក្នុងស្ថានភាពដែលស្ថានការណ៍កាន់តែអាក្រក់។
សម្ដេចលើកឡើងនៅក្នុងខួប៣០ឆ្នាំ នៃការបង្កើតកងពលតូចលេខ៧០ នៅរាជធានីភ្នំពេញព្រឹកថ្ងៃទី១៤ ខែតុលា ឆ្នាំ២០២៤ថា៖ «ពិតណាស់យើងមិនអាចរត់ចោលជួរ។ ទោះបីជាមានបញ្ជាពីUN ក៏យើងត្រូវត្រៀមលក្ខណៈបទបញ្ជាយើងដែរ»។
សម្ដេចធិបតីបានលើកឡើងថាប្រជាពលរដ្ឋនិងកងទ័ពរបស់កម្ពុជាគឺជារឿងសំខាន់ដែលរដ្ឋាភិបាលត្រូវយកចិត្តទុកដាក់ពីសុវត្ថិភាពរបស់ពួកគាត់។
ជាមួយគ្នានេះសម្ដេចធិបតីក៏បានលើកឡើងអំពីការកែសម្រួលប្រធានដឹកនាំកងកម្លាំងរក្សាសន្តិភាពកម្ពុជាពីរដ្ឋមន្ត្រីការបរទេសមកឲ្យរដ្ឋមន្ត្រីការពារជាតិវិញផងដែរ៕
